Մենք սկսեցինք մեր գործունեությունը դեռևս 2007թ-ին, անցանք ավելի քան տասը տարվա ճանապարհ, փորձարկեցինք, մշակեցինք, ի վերջո հաջողեցինք հասնել մեր նպատակին: Իսկ մեր նպատակն էր ստեղծել մի նոր արժեք՝ հիմնվելով դարերի ավանդույթների ու ժամանակակից տեխնոլոգիաների վրա:
Օգտվելով արևահամ միրգ ունենալու բարենպաստ պայմաններից՝ մենք որպես հումք ընտրում ենք ամենաառողջ ու լավագույն պտուղները: Դրանցից ստացվում է հարուստ ու խիտ մրգահյութ, ինչի արդյունքում համահոտային հավելումների անհրաժեշտություն բոլորովին չի լինում: Մրգահյութը խմորվում է բնական եղանակով առանց խմորիչների, կատարվում է կրկնակի թորում եվրոպական արտադրության սարքավորումներով, ավելացվում է հայկական լեռնաշխարհի աղբյուրների քաղցրահամ ջուրն ու ի վերջո ստացվում է արտակարգ փափուկ ու հարուստ համ ունեցող «Ջինջ» մրգօղի:
Հասնելով որակական բարձր նշաձողի՝ 2017թ-ին «Ջինջ»-ը հիմնադրվում ու լիցենզավորվում է որպես հայկական էքսկլյուզիվ ապրանքանիշ: Այն ներկայացնում է ծիրանի, խնձորի, դեղձի, խաղողի ու թթի մրգօղիները, որոնցից յուրաքանչյուրն առանձնանում է իրեն համապատասխան թնդությամբ (48-55%) ու մինիմալիստական դիզայնով: